---

11.06.2022  – Schrieverslüüd drepen sik in Mölln

---

 PLATTSOUNDS

is en Wettstriet för Musikers un Bands in’t Öller twüschen 15 un 30 ut Neddersassen.

Infos zum Finale 2022

Wann: 19. November 2022
Wo: Lokpark Braunschweig
Schwartzkopffstraße 3, 38126 Braunschweig
Einlass: 18.30 Uhr, Beginn 19 Uhr

Plattsounds 2021

Dat Finale vun de 11. Runn hett an’n 20. November 2021 in Stadthagen de Band UrSolar ut Hannober wunnen.

 

Plattsound-Finale 2020 Live in’t Nett

Dat Finale vun Plattsounds 2020 wörr an’n 21.11.2020 per Livestream överdragen. 14 Bands un Singer-Songwriter ut heel Neddersassen weern dorbi un jeedeen Deelnehmer kreeg düt Johr al mol 100 Euro „Corona-Bonus“.

Wunnen hebbt:

1. de Band Majanko ut Wilhelmshaven mit jümehrn Pop-Indie-Song „Wies“, se freit sik över 1500 Euro
2. de 1918 Hafenbande ut Rotenburg/Wümme mit jümehrn „Hafenwave“-Song „Keen Meer to wiet“, se kregen 1100 Euro
3. Mountain River ut Braunschweig mit „Sett di daal, (mien) Söte“,  se freit sik över 800 Euro

Bi’t Afstimmen in’t Nett för den Publikumspries legen twee Bands mit liekveel Punkten vörn: Stepdragon ut Bad Bevensen un Razor Punch ut Wanna. Se kriegt nu beid den Pries vun 300 Euro.

Plattsounds-Finale 2019 in Stood

Plattsounds-Finale 2018 in Leer

Plattsounds-Finale 2017 in Celle

kiek ok op de Nettsteed vun Plattsounds

 PLATTBEATS

is en Wettstriet för Bands un Solo-Musiker:schen in’t Öller twischen 15 un 30 Johren.

Finale 2022 am 18. November im Rostocker M.A.U.-Club

2021 is de  Musikwettstriet vunwegen de Pandemie utfullen.

An’n Sünndag, den 27. September 2020 hett Thorsten Börnsen, Baas vun’t Plattdüütschzentrum Holsteen un „Vadder“ vun Plattbeats tohoop mit de Slammersche Gesche Gloystein in en lütt Video künnig mookt, keen de Priesen vun Plattbeats 2020 wunnen hett:

1. Pries – Jack Pott, Band ut Bad Schwartau, för “All min Frünnen”, Punk vermengeleert mit Synthesizer-Sound ut de Tachentiger
2. Pries – Dennis Samel-Martens, Singer-Songwriter ut Fintel, för “An düssen Disch”,  ut Stimm un Gitarre, kombineert mit Hölp vun en Loopstation
3. Pries – Armagenda, Band ut Wismar, för “Seelentyrann”, Death Metal

Dat Video köönt ji op de Nettsteed vun’t ZfN ankieken..

---

Snack mol wedder Platt!

En Spraak mutt nich pleegt warrn, wi mööt ehr snacken!

Eendoont, wat ji en öövten Plattsnacker sünd oder dat eerst lehren wüllt oder de Spraak ut fröher Tieden mol wedder bruken wüllt: Wenn ji Lust op en plattdüütschen Klöönsnack hebbt, sünd ji vun Harten willkamen to uns Plattstammdisch in de Nedderdüütsche Bökerie, Peterstraat 36 in 20355 Hamborg.

Vunwegen Corona kann uns Plattstammdisch opstunns nich stattfinnen.

Sodännig dat niege Termine gifft, finnt ji de hier.

---