Niederdeutsche Bibliothek

Ünner de Adress

Peterstraße 36, 20355 Hamburg

 

 

finnt ji in dat smucke Eckhuus vun de Peterstroot un de Stroot Hütten de Nedderdüütsche Bökerie.

De gifft dat hier siet 1996. Ünnerholen warrt de Bökerie vun de Carl-Toepfer-Stiftung. To de Böker ut den Noloot vun Alfred Toepfer sünd noch de Böker vun’e Quickborn-Vereinigung un vun’e Fehrs-Gill dortokomen.

So staht vundaag üm un bi 22.000  Böker op un över Plattdüütsch in’e Regalen. Un dor koomt jümmers noch welk to. De mehrsten dorvun kann een ok utlehnen. Opto gifft dat ok CDs, Spele, Tietschriften un Materiol, dat een för’n Plattdüütschünnericht bruken kann.

Allens is in en EDV-Katalog to finnen un wenn ji wat söökt, hölpt ok Fru Dr. Möller geern.

Apen is de Bökerie jümmers an

Middeweken un Dunnersdag

vun Klock negen bet Klock fief.

Opstunns mutt een vunwegen Corona en Termin utmoken ünner Tel.: 040/340823 oder E-Mail: bibliothek@carltoepferstiftung.de

In de Tiet kann een sik dor ok’n beten dalsetten un in de niegen plattdüütschen Böker rinkieken oder wunnerwarken, woneem överall Platt snackt warrt.

Wokeen wat Besünners weten will, kann ok ünner

Tel.: 040/340823 oder

E-Mail: bibliothek@carltoepferstiftung.de

nofrogen.

Un klor gifft dat in’e Nedderdüütsche Bökerie ok all Utgaven vun’n Quickborn, vun dunntomol bet vundaag.

Fotos: Petra Kücklich

Hier geiht dat no de Nettsteed vun’e Bökerie.