Sowat teihn Johr lang is Peter Hebgen nu all Ostfreeslandfan. Dat Land, de Lüüd, de Sprook hebbt em infungen. As Fotograf süht he nich blots de Landschopt, nee, ook de lütten Soken, Wäsche up de Lien, Poppen achter dat halvrunde Finster, dat Schoop up de Bank usw. Dat ook in´n Alldag noch veel Platt snack warrd, weer´n Överraschen för emm, un hett emm begeistert. Nu hett he sien Biller un de Sprook tosomen bröcht, in een´n Kalenner mit „Plattdüütsche Sprökje“. Dat is nu aver keen Ostfreesen-Platt, dat is för all Lüüd to verstahn un dat schall ook so ween, is de Kalenner doch ook vun överall her to bestelln. Door heet dat denn „Wat up´n Disch kummt, dat ward eten“, orer „Nich an fummeln, wenn´t löppt“. Jedeen Maand een Snack. De Biller nutzt dat heele Blatt. De Spröök sünd, as met de Hand schreven, in een dörsichtig Feld insett. Dat Kalendarium is man een smallet Band, ook dörsichtig, in den  ünneren Deel vun´t Blatt. Druckt warrd de Kalenner up gooded, sworet, Popier. He is to kriegen in de Grött vun DIN A5 as Dischkalenner un vun DIN A4 bet DIN A2 as Wandkalenner.

Bestelln kannst denn Kalenner över´t Internet. De Bookhändlers mookt dat seker ook. Gefallt di een Bild ganz besunners, kannst dat ook alleen kriegen, orer as Puzzle. Langt man düchtig to, dat dat nich bi eenmol blifft.

 

Peter Hebgen, Plattdütsche Sprökje 2019, Monatskalender, 14 Seiten, Calvendo Verlag, www.calvendo.de

Heft Artikel von: Twenhöfel, Christl