1953 bün ik in Alberdörp (Dithmarschen) to Welt kamen. Hier bün ik Plattdüütsch un Hoochdüütsch opwussen un to School gahn. Heff in Kiel Elektrotechnik/Nachrichtentechnik studeert un na mien Afsluss as Dilp.-Ing. heff ik in Hessen un siet 1980 in Flensborg arbeidt. Hier leev ik mit mien Familie. Na mien Arbeitsleven heff ik ehrenamtlich op de Volkshoochschool de Groten un as Spraakpaten in’n Kinnergoorn de Lütten dat Plattdüütsche bipuhlt. Blangenbi heff ik noch Kurse bi de ADS in Flensborg un bi de Carl-Töpfer-Stiftung in Hamborg geven. Vundaag bün ik bi dat Länderzentrum för Nedderdüütsch as Moderator un geev dor Webinoren, in de jeedeen vun tohuus ut Plattdüütsch över dat Internett bi mi lehren kann. Ik bün Maat in velen överregionalen Plattdüutschen Verenen, schriev egen korte Geschichten un översett ok Kinnerböker in’t Platt. Bi de Fehrs-Gill hölp ik an dat Tosamenstellen vun den ganz GROTEN SASS op Internett mit.