Ik bün 1967 in Glückstadt op de Welt kamen un in Kremperheid opwussen. Dat is in’n Kreis Steenborg, twüschen Itzho un Kremp. Mien Rundstücken verdeen ik an de Stadtdeelschool Niendörp in Hamborg, wo ik de Kinner Düütsch un Engelsch bipuul. Plattdüütsch heff ik fröher blots bi mien Grootöllern in Beringsted (Kreis Rendsborg-Eckernföör) höört, man nich sülven snackt. So richtig lehrt heff ik dat eerst vör poor Johrn an’e Volkshoochschool un denn ok forts Spaaß an’t Schrieven funnen. Wenn ik Tiet heff, bün ik meist in Dithmarschen ünnerwegens un wannel op de Sporen vun Klaas Groth in Heid un Tellingsted. To’n Quickborn kamen bün ik in’n Harvst 2017.