Dirk Römmer, in't Kriegsjohr 1943 in Hamborg up de Welt komen, stammt ut Veerlannen bi Hamborg. Sien Heimatdörp is Kirchwarder, wo hee eerst in't Pasterhuus un denn in de Feesen opwossen is. Sien Vadder weur Greunhäker, sien Mudder Schoolmestersch. In Bardörp gäng he no School un hett in Hamborg un Heidelbarg op Paster studeert. As he in sien eerst Gemeend keum, hett he al 1971 mit Goddesdeensten op Platt anfungen un wör veele Johren so'n Reisen in Plattdüütsch Kark. Allerwogens is he römbutschert un hett preestert. Dat geev sik mit de Tied, man in de Jacobi-Kark in Hamborg is he op Steeg noch jümmer bi. He hett ok anfungen un in't Radio arbeid. Karkenarbeid un anners wat. Dinn keum dat Feernsehn. Dor hett he 'Talk op platt' mitspeelt. Hett ok schreben un übersett, schrift un übersett noch jümmer. In'n Quickborn is he al langen. Blots as he 1990 mit sien Familie no Australien gäng, is he allerwogenss utpedd. Nu he träck is, hebbt se em wedder bi de Böx kregen. Vundoog hett he dat Leit von de 'Vereenigung Quickborn', sitt in't Kuratorium vun den 'Quickborn-Pries' un hett ok noch een Quickborn-Heft in's Johr to moken. He is foken wat meckerig, wenn he über Beuker vun anner Lüüd schrift. Un he mag sik ok to geern strieden. Sunsten kannst ober ganz good mit em utkomen - seggt sien Fro. Un de mut dat je weten. He hett veer Kinner un leevt in Tönn. Fehlt blots noch, wat he no Quickborn ümtrecken deit! Man dor is keen Chance! Op Steeg is he Studentenpaster an de 'Fachhoochschool Westküst' in Heid un lehrt Ethik. Und dat kannst so un so verstohn!....... Dirk Römmer in:

• Niederdeutsche Wikipedia
• PBuB
• Quickborn-Verlag