Upwussen in Hamburg/Oolgamm (Altengamme), bün ik met Platt ümto groot worrn. In de School un later bi de Arbeit un in de Familie weer Platt nich wichtig, man dat leep blangenbi. As de Kinner ut´n Huus güngen heff ik mi na nee Upgaven ümkeken. So bün ik denn 2003 bi´n Quickborn ankomen. Teihn Joor weer de Kass mien Rebeet. Jichtenswann heff ik mol ´n beten wat schreven, toerst hochdüütsch, man denn ook up Platt. Nu flutscht dat up Platt meist beter as up Hoch. In de Quickborn Redaktion bün ik vun´n Harst 2016 an.