Ik bün 1949 in Lübeck to Welt komen. Mien Mudder weer en Lübecker Deern ut en Familie, de ut Meckelborg totrocken is, und mien Vadder en Jung ut Fehmarn, man snackt hebbt se to Huus blots Hochdüütsch. Liekers heff ik dat Plattdüütsche geern höört, heff so blangenbi dat een or anner Woord opsnappt un kunn dat oplest goot verstaan und lesen. Man dat Snacken wull nich recht. So heff ik mi in’n Harvst 2014 to’n Plattdüütsch-Seminar bi Bolko Bullerdiek anmellt. Dat Seminar hett mi so veel Freid maakt, dat ik för disse Spraak aktiv wat doon wull. So bün ik in’n Januar 2015 to’n Quickborn komen.