Dat IQ.SH (Institut für Qualitätsentwicklung an Schulen in Schleswig
Holstein) hett in‘n Anfang vun dit Johr en Heft mit Gedichten vun Klaus
Groth för de School rutbröcht. Karen Nehlsen (Landesfachberaterin für Niederdeutsch sowie Koordinatorin für Regional und Minderheitensprachen in
Schleswig-Holstein) un Marianne Ehlers (Fortbildnerin beim IQ.SH) hebbt
12 schööne Kinnergedichten utsöcht, vun „Anna Maria“, „Aanten in‘t Water“,
„Groot un lütt“ över „Regenleed“ bit na „Zuckersnuut“ – Texten de wi
Ölleren meist all kennen doot un de wi uns Kinner oder Enkelkinner ok geern
vörleest, denn dat is nich blots en Heft för de School. De Gedichten mit Opgaven
dorto sünd twors för lütte Lüüd in‘e Grundschool dacht, man ok in
wiederföhren Scholen passt de Texten noch un ok grote Minschen findt Gefallen
dor an, denn dat DinA4 Heft is so fein maakt, dat is en heel grote Freud.
Op een Siet is jümmer een Gedicht mit fief Fragen un Opgaven dorto un op de
Siet gegenöver is en Bild. Alleen de Biller mit veel Leev för all de lütten Saken
vun Margret Fischer maakt Spaaß antokieken un bringt gewiss dat Snacken
mit Kinner in‘n Gang, wat seker ok en Teel vun dit Heft is. Man Teel hin oder
her, dat is mi egens egol – ik finn dat Heft eenfach wunnerbor!

„Pogg in‘n Maandschien“ kann man sik as pdf-Datei (twee Delen) in‘t Internet
bi‘t IQ.SH rünnerladen: https://publikationen.iqsh.de/pdf-downloadsniederdeutsch.
html oder man kann sik dat bestellen: IQ.SH, Schreberweg 5,
24119 Kronshagen

Heft Artikel von: Dohrmann, Sonja