„De Herdmannkinner wassen de slimmsten Kinner up de hele Welt.“
So fangt dat Book över Olli, Klaus, Leopold, Ralf, Eugenia un Hedwig
Herdmann an. In’t wunnerschöne oostfreeske Platt bröcht vun Wilfried Zilz. De Tekens in dit Book hett Wilhelm Schlote maakt. Dat geiht op Wiehnachten to un de
Rullen för dat Krippenspeel schöllt verdeelt warrn. De Herdmannkinner, de bitto nix över de Bibel wussen un ok in keen Gottsdeenst weren, wöllt Rullen övernehmen.
Un se maken dat heel plietsch. Se stellt de Söök vun Maria un Josef na en Harbarg
in Fraag un wunnern sik, dat dat Jesus- Kind keen Kledaschen hett, man blots
en poor Döker as Winnel. Un wat hebbt Koh, Schaap un anner Derten in’t Stall
verloren? Woher weten de hilligen dree Könige (wat sünd dat denn för Keerls?)
dat dor en Kind boren is? Un eerst de dösige Herodes, de all lütte Jungs dootmaken
will, wiel he ja de König is. De höört mal heel düchtig verkloppt!
Un so löppt dat Krippenspeel natürlich nich ahn Pannen af. Aver achterna
sünd sik al Tokiekers eenig, dat weer dat schöönste Krippenspeel siet Johren
un de Herdmannkinner hebbt en groten Andeel doran.
En Book över Kinner, de nich so sünd as de annern. Unangepasst, frech, dreist und vorlaut wöörn wi dorto seggen. De Herdmannkinner wiest uns en anner
Welt.
Achtern in dit Book gifft dat en „Woordenverklaren“, denn vele Utdrücke ut
dat oostfreeske Platt sünd bi uns nich so begäng.

Barbara Robinson: Pass up, de Herdmanns
komen! In ’t oostfreeske Platt
brocht. Neckarsteinach: Edition Tintenfaß
2019. 96 Seiten.
ISBN: 978-3-947994-12-0.

Heft Artikel von: Kastendieck, Johanna