Twölfanhalf mol föftein Zentimeter, mehr bruukt dat nich, dat düsse Kalenner up´n Schrievdisch Platz hett. De Kalenner 2019 vun Lütt Stina löppt ünner dat Thema „Bauernregeln op plattdüütsch“. Is dat dat de Hochdüütschen erstmol henkiekt, dat door Kalender un Bauernregeln steiht un nich Kalenner un Buurnregeln? Ook de Henwies, wo dat to moken is (Öffnen usw.) is Hochdüütsch. Mehr in´t Oog fallt de Snack „Schietwedder gifft dat nich, blot de falsche Kledaasch!“

De Kalenner hett för jedeen Maand een´n Snack praat, so as „April April, de maakt wat HE will!“. Mit Schrift un Farven ward betont orer trüchholn. Lütt Teknungen lohnt noch mol hentokieken. Dat Kalendarium nimmt de Farven vun de Spröökfeller up. Fierdoog un Kalennerweek as nödige Angaven sünd dorbi. Mit sien trüchhöllern Farven schüfft de Kalenner sik nich no vörn, de Spröök könnt ober to´n snacken anregen. Stell em up dien´n Schrievdisch un du warst gewohr, woveel Lüüd miteens Platt snacken köönt.

 

Lütt Stina, Kalender 2019 mit Bauernregeln op plattdüütsch, Upstellkalenner in CD-Format, 14 Blatt, www.luettstina.de

Heft Artikel von: Twenhöfel, Christl