Nu is dat sowiet, ik bün de, de den Hoot ophett för düt
Heft. So as Heftmakersche is dat bannig opregend, bet dat
een allens tosamen hett, de Literatur, Opsätz, Berichten
över Geboortsdagen, Veranstalten, wat för de Lütten usw.
Dat ne’e Heft stickt vull vun Literatur, dor warrt fraagt:
»Wat is uns Plattdüütsch doch?«, or dat geiht dorüm, wat en
Mester/sche is, wi hebbt Lyrik vun junge Schrieverslüüd,
twee Texten vun »Den Oolen un sien Blick op de Welt«: en
bunten Rükelbusch, vun allens wat. En intressanten Bidrag
för Opsätz hebbt wi kregen, dorin geiht’t üm »Pseudo-
Platt«. Denn sünd vele Lüüd op Besöök ween, ü.a. bi dat
Ohnsorg-Theoter un ok bi dat Barcamp in Leck. Dor hett sik
en Fru dat eerste Mal op den Weg dorhen maakt un glieks
doröver schreven. De Rezenschonen sünd sotoseggen vun
all Klöör ut de Rebeden Böker, CD’s un Theoter. Denn sünd
ok trurige Narichten dorbi, wo de Naroop mit veel Leevde
schreven is, för den Minschen, de storven is. Or ji köönt
ok noch wat lesen vun unsen tweten »Quickborn-Dag«. En
Barg an Narichten hebbt wi ok noch tostüert kregen. Dor is
seker wat för all dorbi.
Nu wünsch ik ju all en feine Sommertiet un ik frei mi,
wenn wi uns bi de een oder annere plattdüütsche Veranstalten
in Hamborg un ümto drepen doot.

Heft Artikel von: Dreiskämper, Irmi