Bi de Bökerhöker staht se al wedder, de groten Stänner mit de bunten Kalenner för dat neegste Johr. Plattdüütsch is meist nix dorbi. So heff ik dat Internett dorno fraagt. Un heff Melanie Viola funnen. Melanie Viola is en Fotodesignerin/Künstlerin ut
Berlin. Faken reist se för Fotos in de Welt rüm. Man se seggt ok: »Mir macht es Spaß, mit Typografie zu gestalten. « Un dat hett se mit verscheden Dialekten utprobeert. »Ich fand es interessant dadurch auch mehr über die einzelnen Sprachregionen zu erfahren. […] Platt ist bemerkenswert durch die in wenige Worte gefassten
Lebensweisheiten.« Wat as enkelte Blöder anfungen hett, is nu to en Kalenner worrn. Blots witt un swatt, plakative Schriftbiller. Plattdüütsche oder tominnst  noorddüütsche Snacks. Mit en dezent Kalendarium an de ünnere Kant. Dat sünd so
bekannte Snacks as »’n beten scheef hett Gott leev« oder »Kiek mol wedder in«. Versteiht jeedeen. Dat is mal en Plattdüütsch Kalenner ahn Wischen, Möwen un Fachwarkhüüs. Dor kann ’n ok de Lüüd en Freid mit maken, de anners nix mit Platt to
doon hebbt. En Kunstkalenner!
De Kalenner warrt op Bestellen produzeert. Dat heet, rechttiedig för Wiehnachten
an denken. De Kalenner is in lütt un groot to kriegen. De Bökerhöker helpt seker geern bi’t Utsöken. Mehr vun Melanie Viola, ok mit Platt, find jü in’t Internett.
Melanie Viola: Moin; Plattdeutsch
2022; Kalender DIN A4. artboxONE,
Oldenburg.

Heft Artikel von: Twenhöfel, Christl